មាត្រាទី៧៦ៈ
រដ្ឋសភាមានសមាជិកជាតំណាងរាស្ដ្រយ៉ាងតិច១២០រូប។
តំណាងរាស្ដ្រត្រូវជ្រើសតាំង
ដោយការបោះឆ្នោតជាសកល ដោយសេរី ដោយស្មើភាព ដោយចំពោះ និងតាម វិធីជ្រើសរើសឆ្នោត
ជាសម្ងាត់។
តំណាងរាស្ដ្រអាចឈរឈ្មោះបោះឆ្នោតសាជាថ្មីបាន។
អ្នកដែលមានសិទ្ធិឈរឈ្មោះជាបេក្ខជនតំណាងរាស្ដ្រ
គឺប្រជារាស្ដ្រខ្មែរទាំងពីរភេទដែល មានសិទ្ធិបោះឆ្នោត មានអាយុយ៉ាងតិច ២៥ឆ្នាំ មានសញ្ជាតិ
ខ្មែរតាំងពីកំណើត។
អង្គការរៀបចំការបោះឆ្នោត
បែបបទ និងការប្រព្រឹត្ដទៅនៃការបោះឆ្នោតត្រូវកំណត់ ក្នុងច្បាប់ឆ្នោត។
មាត្រាទី៧៧ៈ
តំណាងរាស្ដ្រក្នុងរដ្ឋសភាជាតំណាងប្រជាជាតិខ្មែរ
ទាំងមូលពុំមែនគ្រាន់តែជាតំណាង ប្រជាពលរដ្ឋ ក្នុង មណ្ឌល របស់ខ្លួននោះទេ។
អាណត្ដិអាជ្ញាបញ្ជាទាំងទ្បាយត្រូវចាត់ទុកជាមោឃៈ។
មាត្រាទី៧៨ៈ
នីតិកាលរបស់រដ្ឋសភាមានកំណត់៥ឆ្នាំ
ហើយត្រូវផុតកំណត់នៅពេលដែលរដ្ឋសភា ថ្មីចូល កាន់តំណែង។ រដ្ឋសភាមិនអាចត្រូវបាន
រំលាយមុនផុតអាណត្ដិបានទ្បើយ វៀរលែងតែក្នុង ករណីដែលរាចរដ្ឋាភិបាលត្រូវបាន ទំលាក់២ដង
ក្នុង រយៈ១២ខែ។
ក្នុងករណីនេះ ព្រះមហាក្សត្រត្រូវទំលាយរដ្ឋសភា
ក្រោយពីព្រះអង្គទ្រង់បាន ទទួលការស្នើរ ពីនាយករដ្ឋមន្ដ្រី និងបន្ទាប់ពី
ទ្រង់បានការយល់ព្រមពីប្រធានរដ្ឋសភា។
ការបោះឆ្នោត
ដើម្បីជ្រើសរើសរដ្ឋសភាថ្មី នឹងប្រព្រឹត្ដទៅក្នុងរយៈពេល៦០ថ្ងៃយ៉ាងយូរ ចាប់តាំងពីរ
ថ្ងៃរំលាយរដ្ឋសភាមក។
ក្នុងរយៈកាលនេះរាជរដ្ឋាភិបាលមានតែភារកិច្ចដឹកនាំការងារប្រចាំថ្ងៃប៉ុណ្ណោះ។
ក្នុងពេលមានសង្គ្រាម
រឺក្នុងកាលៈទេសៈពិសេសដទៃទៀតដែលមិនអាច ធ្វើការបោះឆ្នោត កើត រដ្ឋសភាអាច
ប្រកាសបន្ដនីតិកាល របស់ខ្លួនមួយដងបានមួយឆ្នាំតាមសំណើររបស់ ព្រះមហាក្សត្រ។
ការប្រកាសបន្ដនីតិកាលរបស់រដ្ឋសភាត្រូវសំរេច
ដោយមតិយល់ព្រមពីរភាគបីយ៉ាងតិច នៃចំនួន សមាជិក សភាទាំងមូល។
មាត្រាទី៧៩ៈ
អណត្ដិនៃសមាជិករដ្ឋសភាមានវិសមិតភាពជាមួយការ
បំពេញមុខងារសាធារណៈជាសកម្ម និងជាមួយមុខងារ ជាសមាជិកនៃ ស្ថាប័នដទៃទៀតដែលមានចែងក្នុងរដ្ឋធម្មនុញ្ញនេះ
វៀរលែងតែទៅបំពេញមុខងារក្នុង គណៈរដ្ឋមន្ដ្រីនៃរាជរដ្ឋាភិបាល។
ក្នុងករណីនេះសមាជិកសភារូបនោះមានឋានៈជាសមាជិករដ្ឋសភាធម្មតា
ប៉ុន្ដែមិនត្រូវមាន មុខតំណែងអ្វី ទាំងអស់ក្នុងគណៈ កម្មាធិការអចិន្ដ្រៃយិ៍ និងក្នុងគណៈកម្មាធិការផ្សេងៗ
នៃរដ្ឋសភា។
មាត្រាទី៨០ៈ
តំណាងរាស្ដ្រមានអភ័យឯកសិទ្ធិសភា។
តំណាងរាស្ដ្ររូបណាក៏ដោយមិនអាចត្រូវបានចោទប្រកាន់
ចាប់ខ្លួនឃាត់ខ្លួន រឺឃុំខ្លួន ដោយហេតុពីបាន សម្ដែងយោបល់ រឺ បញ្ចេញមតិ ក្នុងការបំពេញមុខងាររបស់ខ្លួន
សោះទ្បើយ។
ការចោទប្រកាន់
ការចាប់ខ្លួន ការឃាត់ខ្លួន រឺការឃុំខ្លួនសមាជិកណាមួយនៃរដ្ឋសភា នឹងអាច
ធ្វើទៅកើត លុះត្រាតែមានការ យល់ព្រមពីរដ្ឋសភា រឺពីគណៈកម្មាធិការអចិន្ដ្រៃយិ៍
របស់ រដ្ឋសភា ក្នុងចន្លោះសម័យ ប្រជុំនៃរដ្ឋសភា វៀរលែងតែក្នុងករណីបទ
ល្មើសព្រហ្មទ័ណ្ឌ ជាក់ស្ដែង។ ក្នុងករណីខាងក្រោយនេះ ក្រសួងសមត្ថកិច្ចត្រូវធ្វើសេចក្ដីរាយការណ៍ជូន
រដ្ឋសភា រឺជូនគណៈ កម្មាធិការអចិន្ដ្រៃយិ៍របស់ រដ្ឋសភាជា បន្ទាន់ដើម្បីសំរេច។
សេចក្ដីសំរេចរបស់គណៈកម្មាធិការអចិន្ដ្រៃយិ៍របស់រដ្ឋសភា
ត្រូវដាក់ជូនសម័យប្រជុំ រដ្ឋសភាខាងមុខ ដើម្បី អនុម័តតាមមតិភាគ ច្រើនពីរភាគបីនៃសមាជិករដ្ឋសភាទាំងមូល។
ក្នុងករណីទាំងអស់ខាងលើនេះ
ការឃុំខ្លួន ការចោទប្រកាន់តំណាងរាស្ដ្រណាមួយត្រូវផ្អាក ប្រសិនបើ
រដ្ឋសភាបានបញ្ចេញមតិ ឱ្យផ្អាកតាមមតិភាគច្រើនបីភាគបួននៃចំនួនសមាជិក
រដ្ឋសភាទាំងមូល។
មាត្រាទី៨១ៈ
រដ្ឋសភាមានថវិការស្វយ័តសំរាប់ដំណើរការ។
តំណាងរាស្ដ្រត្រូវទទួលប្រាក់បំណាច់។
មាត្រាទី៨២ៈ
រដ្ឋសភាបើកសម័យប្រជុំដំបូង
ហុកសិបថ្ងៃយ៉ាងយូរក្រោយពេលបោះឆ្នោតតាមការកោះ ប្រជុំរបស់ ព្រះ មហាក្សត្រ។
មុនចាប់ផ្ដើមការងាររបស់ខ្លួន
រដ្ឋសភាត្រូវអនុម័តបទបញ្ជាផ្ទៃក្នុងសម្រេចអំពីសុពលភាព នៃអាណត្ដិ របស់
សមាជិកនិមួយៗ និងត្រូវ បោះឆ្នោតជ្រើសរើសដាច់ដោយទ្បែកពីគ្នានូវ ប្រធាន អនុប្រធានរដ្ឋសភា
ដោយមតិភាគច្រើនពីរភាគបីនៃសមាជិករដ្ឋ សភាទាំងមូល។
តំណាងរាស្ដ្រទាំងអស់ត្រូវធ្វើសច្ចាប្រណិធាន
មុនចូលកាន់តំណែងដូចមានខ្លឹមសារ មានចែង ក្នុងឧបសម្ព័ន្ធ៥។
មាត្រាទី៨៣ៈ
រដ្ឋសភាប្រជុំជាសាមញ្ញពីរដងក្នុងមួយឆ្នាំ។
សម័យប្រជុំនីមួយៗមានរថេរៈវេលាយ៉ាងតិចបីខែ។
បើមានសំនូមពរពីព្រះមហាក្សត្រ រឺសេចក្ដីស្នើរសុំពី នាយករដ្ឋមន្ដ្រី
រឺពីសមាជិករដ្ឋសភាចំនួនមួយភាគបីយ៉ាងតិច គណៈកម្មាធិការ អចិន្ដ្រៃយិ៍រដ្ឋសភា កោះប្រជុំរដ្ឋសភាជាវិសាមញ្ញ។
ក្នុងករណីនេះរបៀបវីរៈជាក់លាក់
នៃសម័យប្រជុំជាវិសាមញ្ញ ត្រូវផ្សាយដល់ប្រជារាស្ដ្រ ជាមួយនឹង ថ្ងៃកំណត់ ប្រជុំ។
មាត្រាទី៨៤ៈ
នៅចន្លោះសម័យប្រជុំរបស់រដ្ឋសភា
គណៈកម្មាធិការអចិន្ដ្រៃយិ៍របស់រដ្ឋសភា ទទួលភារកិច្ច ចាត់ចែង ការងារ។
គណៈកម្មាធិការអចិន្ដ្រៃយិ៍របស់រដ្ឋសភារួមមានប្រធានរដ្ឋសភា
អនុប្រធានរដ្ឋសភា និង ប្រធានគណៈកម្មាធិការ ទាំងអស់របស់ រដ្ឋសភា។
មាត្រាទី៨៥ៈ
សម័យប្រជុំរដ្ឋសភាត្រូវធ្វើនៅរាជធានី
នៃព្រះរាជាណាចក្រកម្ពុជា ក្នុងសាលប្រជុំរបស់ រដ្ឋសភាលើកលែង តែមានការសំរេច ផ្សេងចុះក្នុងលិខិតកោះប្រជុំដោយកាលៈទេសៈ
តម្រូវ។
ក្រៅពីករណីខាងលើ
និងក្រៅពីកន្លែង និងនីតិកាលបរិច្ឆេទដែលកំណត់ក្នុងសេចក្ដីអញ្ជើញ ការប្រជុំណា ក៏ដោយរបស់រដ្ឋសភា
ត្រូវទុកជាខុសច្បាប់ ហើយជាអសារសូន្យ ពេញលក្ខណៈ។
មាត្រាទី៨៦ៈ
ក្នុងកាលៈទេសៈដែលប្រទេសជាតិស្ថិតក្នុងភាពអាសន្ន
រដ្ឋសភាប្រជុំរាល់ថ្ងៃជាប់ជាប្រចាំ។ រដ្ឋសភាមាន សិទ្ធិសំរេចបញ្ចប់ កាលៈទេសៈ ពិសេសខាងលើនេះកាលបើសភាពការណ៍
អនុញ្ញាត។
បើរដ្ឋសភាមិនអាចប្រជុំបានទេ
ដោយមូលហេតុចាំបាច់ជាអាទិ៍នៅពេលដែលកំលាំង បរទេសចូល មកកាន់កាប់ទឹកដី ការប្រកាស ភាពអាសន្នត្រូវបន្ដទៅមុខជាស្វ័យប្រវត្ដិ។
នៅពេលដែលឋិតក្នុងភាពអាសន្ន
រដ្ឋសភាមិនអាចត្រូវរំលាយបានទ្បើយ។
មាត្រាទី៨៧ៈ
ប្រធានរដ្ឋសភាដឹកនាំអង្គប្រជុំរបស់រដ្ឋសភាទទួលបញ្ញត្ដិច្បាប់
និងសេចក្ដីសំរេចចិត្ដ ទាំងទ្បាយ ដែលរដ្ឋសភា បានអនុម័តរ៉ាប់រង ការអនុវត្ដន៍បទបញ្ជាផ្ទៃក្នុងរបស់រដ្ឋសភា
និងចាត់ចែងការទាក់ទងអន្ដរជាតិ ទាំងទ្បាយ របស់រដ្ឋសភា។
ក្នុងករណីដែលប្រធានរដ្ឋសភាមានធុរៈ
មិនអាចបំពេញមុខងារបានដោយហេតុមកពីមាន ជំងឺ រឺបំពេញមុខងារជាប្រមុខរដ្ឋស្ដីទី
រឺជាព្រះរាជានុសិទ្ធី រឺបំពេញបេសកម្មនៅបរទេស អនុប្រធានរដ្ឋសភា មួយរូប ត្រូវទទួលភារកិច្ចចាត់ចែងការងារជំនួស។
ក្នុងករណីដែលប្រធាន
រឺអនុប្រធានរដ្ឋសភាលាលែងពីមុខតំណែង រឺទទួលអនិច្ចកម្ម រដ្ឋសភាត្រូវបោះ ឆ្នោតជ្រើសតាំងប្រធាន
រីអនុប្រធានថ្មី។
មាត្រាទី៨៨ៈ
ការប្រជុំរបស់រដ្ឋសភាត្រូវធ្វើជាសាធារណៈ។
រដ្ឋសភាអាចប្រជុំជាសម្ងាត់បានតាមការសុំពីប្រធាន
រឺពីសមាជិកចំនួនមួយភាគដប់យ៉ាង តិចពីព្រះមហាក្សត្រ រឺពីនាយករដ្ឋ មន្ដ្រី។
ការប្រជុំរដ្ឋសភានឹងយកជាការបាន
លុះត្រាតែមានកូរ៉ុមប្រាំពីរភាគដប់នៃរដ្ឋសភាទាំងមូល។
មាត្រាទី៨៩ៈ
តាមការសុំពីសមាជិកចំនួនមួយភាគដប់យ៉ាងតិច
រដ្ឋសភាអាចអញ្ជើស្សរជន ដ៏ឧត្ដមណា មួយមកបំភ្លឺ រដ្ឋសភាអំពីបញ្ហាដែល
មានសារៈសំខាន់ពិសេស។
មាត្រាទី៩០(ថ្មី)ៈ
រដ្ឋសភាគឺជាអង្គការដែលមានអំណាចនីតិបញ្ញត្ដិ
ហើយបំពេញភារកិច្ចរបស់ខ្លួនដូចបាន កំណត់ក្នុង រដ្ឋធម្មនុញ្ញ និងច្បាប់ជា ធរមាន។
រដ្ឋសភាអនុម័តថវិការជាតិ
ផែនការរដ្ឋ ការអោយរដ្ឋខ្ចីប្រាក់ពីគេ ការអោយរដ្ឋអោយ ប្រាក់គេខ្ចី ការសន្យានានា
ផ្នែក ហិរញ្ញវត្ថុ និងការ បង្កើត កែប្រែ រឺលុបចោលពន្ធដារ។
រដ្ឋសភាឱ្យសេចក្ដីយល់ព្រមចំពោះគណនីរដ្ឋបាល។
រដ្ឋសភាអនុម័តច្បាប់ស្ដីពីការលើលែងទោសជាទូទៅ។
រដ្ឋសភាអនុម័តយល់ព្រម
រឺលុបចោលសន្ធិសញ្ញា រឺអនុសញ្ញាអន្ដរជាតិ។
រដ្ឋសភាអនុម័តច្បាប់ស្ដីពីការប្រកាសសង្គ្រាម។
ការអនុម័តខាងលើនេះប្រព្រឹត្ដទៅដោយមតិភាគច្រើនដាច់ខាតនៃសមាជិរដ្ឋសភាទាំងមូល។
រដ្ឋសភាបោះឆ្នោតទុកចិត្ដដល់រាជរដ្ឋាភិបាលតាមមតិពីរភាគ
ច្រើនពីរភាគបីនៃសមាជិក រដ្ឋសភាទាំងមូល។
មាត្រាទី៩១(ថ្មី)ៈ
សមាជិកព្រឹទ្ធសភា
សមាជិករដ្ឋសភា និងនាយករដ្ឋមន្ដ្រីមានសិទ្ធិផ្ដួចផ្ដើមគំនិតធ្វើច្បាប់។
តំណាងរាស្ដ្រមានសិទ្ធិស្នើធ្វើវិសោធនកម្មច្បាប់
ប៉ុន្ដែសំនើរនេះមិនអាយទទួលយកបានទេ បើវិសោធនកម្ម នោះសំដៅបន្ថយប្រាក់
ចំណូលសាធារណៈ រឺបន្ថែមបន្ទុកលើប្រជាពលរដ្ឋ។
មាត្រាទី៩២ៈ
ការអនុម័តទាំងទ្បាយរបស់រដ្ឋសភា
ដែលផ្ទុយនឹងគោលការណ៍ រក្សាការពារ ឯករាជ្យ អធិបតេយ្យភាព បូរណភាពទឹកដីនៃព្រះ
រាជាណាចក្រកម្ពុជា ហើយដែលនាំអោយ ប៉ះពាល់ដល់ឯកភាពនយោបាយ រឺការ គ្រប់គ្រងរដ្ឋបាលរបស់ប្រទេសជាតិ
នឹងត្រូវទុក ជាអាសារសូន្យ។ ក្រុមប្រឹក្សាធម្មនុញ្ញជាអង្គការតែមួយ គត់ដែលមានសមត្ថកិច្ចសម្រេច
ពីមោឃភាពនេះ។
មាត្រាទី៩៣(ថ្មី)ៈ
ច្បាប់ដែលរដ្ឋសភាបានអនុម័ត
និងព្រឹទ្ធសភាបានពិនិត្យចប់សព្វគ្រប់ហើយ ហើយត្រូវបាន ព្រះមហាក្សត្រ
ទ្រង់ទ្បាយព្រហស្ថ លេខាប្រកាសឱ្យប្រើ ត្រូវចូលជាធរមាននៅ រាជធានីភ្នំពេញក្នុងរយៈពេល
ដប់ថ្ងៃគត់ ក្រោយពីថ្ងៃប្រកាសឱ្យប្រើ និងនៅទូទាំង ប្រទេស
ក្នុងរយៈពេលម្ភៃថ្ងៃគត់ក្រោយពីថ្ងៃប្រកាសអោយប្រើ។ ប៉ុន្ដែបើច្បាប់នេះបានចែងថាជាការប្រញាប់ច្បាប់នេះត្រូវចូល
ជាធរមានភ្លាមនៅទូទាំង ប្រទេសក្រោយថ្ងៃ ប្រកាសអោយប្រើ។
ច្បាប់ដែលព្រះមហាក្សត្រទ្រង់បានទ្បាយព្រហស្ថលេខាប្រកាសឱ្យប្រើ
ត្រូវចុះក្នុងរាជកិច្ច និងផ្សព្វផ្សាយនៅ ទូទាំងប្រទេសឱ្យ
ទាន់តាមពេលកំណត់ខាងលើ។
មាត្រាទី៩៤ៈ
រដ្ឋសភាបង្កើតគណៈកម្មាធិការផ្សេងៗដែលចាំបាច់។
ការរៀបចំ និងការប្រព្រឹត្ដទៅ នៃរដ្ឋសភា នឹងមានកំណត់ ក្នុងបទបញ្ជា
ផ្ទៃក្នុងនៃរដ្ឋសភា។
មាត្រាទី៩៥ៈ
ក្នុងករណីមានសមាជិករដ្ឋសភាទទួលអនិច្ចកម្ម
រឺលាលែង រឺប្រាកចាកសមាជិកភាព ដែលកើតមានទ្បើង ៦ខែយ៉ាងតិចមុនចប់ នីតិកាលត្រូវចាត់ការជ្រើសតាំងជំនួសសមាជិក
នោះតាមលក្ខខ័ណ្ឌកំណត់ក្នុងបទបញ្ជា ផ្ទៃក្នុងរដ្ឋសភានិងក្នុងច្បាប់បោះឆ្នោត។
មាត្រាទី៩៦ៈ
តំណាងរាស្ដ្រមានសិទ្ធិដាក់សំនួរដល់រាជរដ្ឋាភិបាល។
សំនួរនេះត្រូវសរសេរជាលាយល័ក្ខអក្សរប្រគល់ជូនតាមរយៈប្រធានសភា។
ចម្លើយអាចធ្វើទ្បើងដោយរដ្ឋមន្ដ្រីមួយរូប
រឺច្រើនរូប។ បើបញ្ហាពាក់ព័ន្ធដល់បញ្ហាទូទៅរបស់ រាជរដ្ឋាភិបាល នាយករដ្ឋមន្ដ្រី
ត្រូវឆ្លើយផ្ទាល់ខ្លួន។
ចម្លើយរបស់រដ្ឋមន្ដ្រី
រឺរបស់នាយករដ្ឋមន្ដ្រីអាចធ្វើដោយផ្ទាល់មាត់ រឺសរសេរជា លាយល័ក្ខ អក្សរ។
ចម្លើយខាងលើនេះត្រូវធ្វើទ្បើងក្នុងរយៈពេលប្រាំពីរថ្ងៃបន្ទាប់ពីបានទទួលសំនួរ។
ចំពោះចម្លើយផ្ទាល់មាត់
ប្រធានរដ្ឋសភាអាចសំរេចបើកឱ្យមាន រឺមិនឱ្យមានការជជែក ដេញដោល។
បើគ្មានការបើកឱ្យជជែក
ដេញដោលទេ នោះចម្លើយរបស់រដ្ឋមន្ដ្រី រឺរបស់នាយករដ្ឋមន្ដ្រី នឹង បញ្ចប់សំនួរ
តែម្ដង។
បើមានការបើកឱ្យជជែកដេញដោលម្ចាស់សំនួរ
វាគ្មិនឯទៀត និងរដ្ឋមន្ដ្រីពាក់ព័ន្ធ រឺនាយក រដ្ឋមន្ដ្រី អាចជជែក
ប្ដូរយោបល់ក្នុង រយៈពេលដែលមិនអាចលើសពីមួយពេលប្រជុំទ្បើយ។
រដ្ឋសភាកំណត់ទុកពេលមួយថ្ងៃក្នុងមួយសបា្ដហិ៍សម្រាប់ការឆ្លើយសំនួរ។
ទោះបីយ៉ាងណាក៏ដោយ
សម័យប្រជុំ សម្រាប់ការឆ្លើយសំនួរខាងលើនេះ មិនអាចបើក លទ្ធភាពឱ្យមានការ
បោះឆ្នោតប្រភេទណា មួយបានទ្បើយ។
មាត្រាទី៩៧ៈ
គណៈកម្មាធិការទាំងទ្បាយរបស់រដ្ឋសភា
អាចអញ្ជើញរដ្ឋមន្ដ្រីមកបភ្លឺអំពីបញ្ហាអ្វីមួយ ដែល ពាក់ព័ន្ធនឹង វិស័យទទួលខុសត្រូវ
របស់ខ្លួន។
មាត្រាទី៩៨ៈ
រដ្ឋសភាអាចទំលាក់សមាជិកគណៈរដ្ឋមន្ដ្រី
រឺទំលាក់រាជរដ្ឋាភិបាលពីតំណែងដោយអនុម័ត ញត្ដិបន្ទោសតាម សម្លេងឆ្នោត ពីរ ភាគបី នៃចំនួនសមាជិករដ្ឋសភាទាំងមូល។
ញត្ដិបន្ទោសរាជរដ្ឋាភិបាល
ត្រូវបានលើកទ្បើងជូនរដ្ឋសភា ដោយតំណាងរាស្ដ្រចំនួន សាមសិបនាក់ ទើបរដ្ឋសភា អាចលើកមក
ពិភាក្សាបាន។
|
0 comments:
Post a Comment